中秋翌日「煀豉鴨」酬和友人閒聊兼詠小寶犬粵調詩四首

註：「煀豉鴨」，WhatsApp粵語譯音，無特殊含意。

其一
寶犬同歡自駕遊，
未知何往好心憂；
周圍冇位隨街泊，
戍戍人多撞膊頭！

其二
寶犬歡騰冇地頭，
揸車數碼港中求；
千層廣廈昇明月，
百艘洋船眼底收。
(艘，粵音叟，仄聲)

其三
驕矜寶犬了無憂，
日日行街未夠喉。
大節流流余執屎，
揸車拍照做驢牛！

其四
沃土有機邊有疇？
威威搵位幾苛求；
屙完嗰度屙喱度，
執屎跟班汗猛流！