在野「煀豉鴨」閒聊雜詩九首

註：「煀豉鴨」，WhatsApp粵語譯音，無特殊含義。

天物無賤貴，劣犬欺人矮；
逢低吠到傻，見高連隨跪！

吾犬最生性，從來冇赧醒，
知道係科家，至會唔安靜 。

寶犬悶無計，家居瞓枱底 。
我自入山林，起勢食棯仔！

頻頻改乜鬼！改極唔成勢 。
買隻畀囡囡，全家有世藝 。

毋須嗌前世，有犬洗閉翳？
菲傭湊今生，週末齊盞鬼！

句句顯智慧，字字合律禮；
乜解唔係詩？首首噤得體。

有犬唔洗餵，生女學洋藝；
噉叫做分工，科家昧真諦！

善哉 DIY，講吓係幾 high,
往往做唔嚟，have to go buy!

科家有科齋，乜都夠膽 die;
好包自家焗，佳餚自家 fry;
講到「煀豉鴨」，易過劃火柴；
埋怨寫字慢，賴軟件唔乖；
大把輸入法，係都唔肯 try!