巴士瑣聞

坐公共汽車，偶有瑣聞。我坐在那裏，往往有個嚦嚦鶯聲的，在我後面拿著「方便電話」聊個不停，我的耳朵當然沒安活門，又沒有帶著隨身聽，無法「充耳不聞」，唯有被動接收所有近距離語言訊息。這往往讓我感到不勝其煩，有時實在受不了了，唯有起來另覓他座。但偶爾又會聽得一兩句夠逗的，讓我忍俊不禁：

喂？――係啊？係咩？係喎。――我今朝打爛咗個杯，唔好意頭――上咗車半個字之馬――啱啱開車，啱啱閂門――四個字去到――五個字啦――噉就半個鐘囉――七個字嘞――你而家喺邊度？――係咩？又開多間。係咩？――好吖，檸茶啦――唔駛，唔駛――都話唔駛咯――又好――好吖――係咩？係咩？――真嘅？係喎。吓？乜話？你記唔記得，次次都係我等你？今日你等番我一次噤多――係咩？買咗？――點解？――就係為咗佢？――核突！――好核突！――核突到嘔――你唔覺得好核突咩？――其實我唔駛懷疑，你當然唔覺得核突――核突到嘔好過悶到嘔――我知，我梗知啦――我知你屬狗嘎嗎――你唔好鬧我俟呀――噉都得？你唔識就唔好亂講，等我講你知啦，我地兩個唔係「蛇鼠一窩」，係「豬狗不如」――仲駛問點解！用個腦諗吓啦――好喇，講你知喇：因為我仲未夠肥，你又唔夠惡――我就算係豬，寧願錫隻癩蛤蟆，都唔會錫隻狗――我冇噉講，唔好冤枉我――乜你唔知咩？我都唔知喎――我點知癩蛤蟆係咪即係蠄蟝！阿搣時冇教，我未見過蠄蟝，蠄蟧就見得多――哦，我知道嘞，你原來係――冇事喎，以後我地唔來往就得啦――吓！我有講過我係公主咩？――我冇講過呀――你收聲！――收爹！――係咩？真係？――我估就唔係嘞――我估佢以為你都係一隻狗就真，佢連去廁所都學唔識，噉低啤，邊知人類係乜野！――我打賭佢唔識――你去問佢――我唔會估錯咖啦，佢一定以為你都係一隻狗――你媽咪肯咩？――你家姐肯制咩？係我就唔制嘞――你阿哥怕會肯都未定――未到――未到啊，都話咗未到咯！――過咗燈位――轉咗彎――上緊斜路――係喇，係喇――梗係，實係啦，理所當然啦――係唔係先？你捨得咩？――我唔信――唔信――唔信――我唔信你真係捨得――噉將佢畀咗我吖――畀我啦――我為你著想咋。我係你嘅救星，我係你全家嘅救星――唔係――唔係。梗唔係――你唔好諗得太多！我將佢送去愛護動物協會畀人領養――過一排如果冇人肯要佢嘅話，佢地就會畀佢「吉人天相」，將佢人道毀滅――唔好嬲，唔好激氣――唔講就算啦，你估我好想同你講電話咩！――我收線喇――你話你仲講唔講？你話啦――你仲講我咪唔收線俟囉――係咩？――――係啊？――喺邊？――佢去嗰度做乜野！――肥咗定係瘦咗？――係咩？――邊個話我似佢！――我唔信――我邊有佢噤靚――你知嗝，我唔飲得鮮奶，一飲就會肥――佢著成點？――係咩？人地屋企有錢，你唔恨得噤多――我從來冇見過佢坐巴士同地鐵，去邊都一定坐的士――你喺邊呀而家？――到底喺邊度唧？――哎呀，你坐過龍啦！――你真係吖――噉你要走翻轉頭一個站，好死遠！實聽行到你兩隻腳都軟晒，我地唔駛躝街喇――咪好囉，你又唔駛等我，又係要我等你！――小心過馬路呀，因住畀車車鬼死呀！――你而家應該搭的士喇――我學似你有車牌我就唔坐巴士啦――………………

人與人之間的感情，談呀談的，天天這麼談，週週這麼談，月月這麼談，年年這麼談，一定就能談得越來越深厚了。

可我糊塗了，這算不算談情？嗯，對呀，這不是談情還能是什麼？這確實是談情！