「挖事噏(WhatsApp)」與老同學酬和粵韻詩二首

詠諸老同窗高格調口福享受

其一
肝腴血潤藥妙新，
肺旺心驕燉補頻；
若無好餸懶得哽，
口福不繼枉為人！
食材天價嚓得起，
物色神廚周戍蹆。
三高百痛無不治，
海錯奇效輔山珍；
黑蒜白芹皆有用，
秘方降醇八九分。
禮聘大師羅庚轉，
日日豪餐冇滯親；
生老病死原是命，
仙釀佳餚送藥吞；
名醫熟過親兄弟，
帶疾長壽謝神恩！

其二
食府資訊要最新，
追求正嘢不後人；
珍饈美味餐餐嘆，
紅酒唔靚會嗾親！
米芝蓮都未必好，
廚神去向要緊跟。
妙藥靈丹幾萬種，
仲有無數叻醫神；
保險逾億驚乜鬼？
療法突破日有聞。
風水命理米唔信，
時運低咗確會暈；
物色大師算一算，
拜吓靈廟暫戒葷；
轉眼運程高番晒，
餚饌豐腴飯局頻！